لكن الشيخ صالح زي ما هيفتحلها أبواب الجنة كان عنده شرط. والشرط تبعد عن التمثيل وتعمل أي حاجة تانية هي عاوزاها. وصفاء حسبتها وقالت: أنا خلاص حققت كل اللي عاوزاه في السينما والدراما والمسرح.. ومش ناقصني في حياتي غير الأسرة. ووافقت على شرط الشيخ صالح.. وعملوا فرحهم بشكل سري.
. ومحدش عرف بالجواز غير عدد قليل جدا. وأول هدية كانت طيارة خاصة.. وصفاء أول فنانة عربية يبقى عندها طيارة خاصة. ولما بقت مدام الشيخ صالح اتولت إدارة مجموعة الـART.. وبدال السينما والدراما دخلت تجربة التقديم التليفزيوني وعملت برامج زي “أوراق سينمائية” و”ساعة صفا” و”سهراية” وكسرت الدنيا.
ووقتها دخلت ف صراع مع هالة سرحان على مين تكون نجمة القناة… وصفاء انتصرت في النهاية.. ومشت هالة سرحان من الـART.. والشيخ صالح اشترى كل أفلامها.. وحذف المشاهد اللي ظهرت فيها بشكل مش مناسب.. ومنع عرض فيلم “عماشة في الأدغال” عشان ظهرت فيها بالمايوه.
الأكثر قراءة الان
حلاق ابني
منذ يومين
سميحه أيوب
منذ أسبوع
اثار الحكيم
منذ أسبوعين
وعاش الاتنين سنين في سعادة.. وصفاء التزمت بالاتفاق معاه.. وهو كان أفضل زوج وصديق.. وخلفوا 3 بنات.. هديل وعندها 44 سنة وهي رئيسة مؤسسة ART وراديو وتليفزيون العرب.. والتانية إسمها “أصيل”.
. واتجوزت في 2014. والتالتة “نضير” ومتجوزة رجل الأعمال عمرو المليجي. وبعد وفـ,ـاة الشيخ صالح كامل ابتدت صفاء أبو السعود ترجع للفن من تاني وآخر حاجة لما قدمت أغنية “أهلا بالعيد” بشكل جديد.
