القادر اكتشف الحقيقة بعد سنين.
بصيت لنور.
كانت بټعيط بصمت.
قلت وإنتِ كنتِ عارفة؟
هزت رأسها.
كنت عارفة إني مش بنت عبد القادر، لكن كنت فاكرة إنك عارفة يا ماما. بابا قال لي إنك عارفة كل حاجة، وإنك اخترتيني بنتك بإرادتك. عشان كده ماكنتش بسألك.
حضنتها بقوة.
إنتِ بنتي يا نور، سواء كنتِ بنتي پالدم أو لأ. أنا اللي ربيتك، وإنتِ اللي كبرتي في حضڼي، ومفيش ورقة في الدنيا تغير ده.
نور اڼفجرت في العياط.
أنا كنت خاېفة تزعلي مني.
قلت لها أزعل منك ليه يا حبيبتي؟ إنتِ مالكيش ذنب في أي حاجة.
جدي فضل باصص لنا، وبعدها قال فيه حاجة تانية لازم تعرفيها. ياسين ماكانش ماټ في الحاډث زي ما اتقال.
رفعت رأسي بسرعة.
إزاي؟
قال ياسين كان عايش فترة طويلة، وكان بيحاول يرجع ياخد بنته، لكنه اكتشف إن فيه ناس عايزة تستغل وجوده عشان تستولي على أملاك أبوه. فاختفى تاني، وطلب من عبد القادر إنه يحافظ على نور.
قلت يعني ياسين عايش لحد دلوقتي؟
جدي هز رأسه ببطء.
مش عارف. آخر مرة وصلني عنه خبر كانت من سنين.
سألته طب إيه علاقة ده بالأرض؟
قال ياسين كان صاحب النصيب الرابع في الأرض. والأرض دي اتجمعت من فلوس أربع عائلات، وكان الهدف منها إنشاء مشروع كبير يخدم أهل المنطقة.
قلت والمشروع ده هو المستشفى؟
أيوه. لكن فيه جزء تاني من المشروع كان ياسين مسؤول عنه، وهو إنشاء دار رعاية للأطفال اللي مالهمش أهل.
بصيت لنور.
بدأت أفهم ليه عبد القادر كان بيهتم بيها بشكل مختلف، وليه كان بياخدها تقابل الراجل المجهول.
جدي كمل عبد القادر كان عارف إن نور هي الوريثة الشرعية لنصيب ياسين، وإن وجودها مهم عشان المشروع يكمل. لكنه ماكانش عايزها تعرف ده وهي صغيرة.
قلت طب ليه أخويا حسن كان بيدور على الورق؟
جدي بص لحسن.
اسأليه هو.
لفيت ناحية حسن.
كان واقف عند الباب، وشه متغير.
قلت اتكلم يا حسن.
حسن اتنهد وقال أنا كنت عارف إن فيه أرض، لكن ماكنتش عارف إن نور ليها علاقة بيها. أنا كنت فاكر إن كل الأرض تخص أبوكي، وإنك لو تنازلتي عن نصيبك، هنقدر نبيعها ونخلص الموضوع.
قلت وكنت هتقسم الفلوس مع سعاد؟
قال أيوه، بس…
قاطعته مفيش بس يا حسن. إنت كنت عايز تاخد حقي وحق بناتي.
نزل عينه.
أنا غلطت.
قلت غلطت؟ إنت كنت بتجهز تبيع أرض كاملة، وفيها حلم أمي وأبويا،
وحق طفلة ملهاش ذنب!
حسن سكت.
جدي قال بصوت ضعيف يا جميلة، حسن مش هو الشخص الوحيد اللي غلط. فيه حد تاني كان بيحرك كل ده من بعيد.
سألته مين؟
جدي طلب مني أقرب.
افتحي الشنطة اللي جنب السرير.
فتحتها، ولقيت جواها ظرف بني كبير.
مدهولي.
ده آخر مستند احتفظت بيه. عبد القادر كان عايزك تشوفيه بنفسك.
فتحت الظرف.
كان فيه عقد قديم، وصورة، وخطاب مكتوب بخط ياسين.
لكن أول حاجة شدت انتباهي كانت توقيع الشاهد على العقد.
توقيع عبد القادر.
والشخص اللي كان موقع معاه كشاهد كان…
سعاد!
بصيت لجدي.
سعاد كانت تعرف ياسين؟
قال سعاد كانت تعرف أكتر مما إنتِ متخيلة. هي كانت موجودة وقت ما حصل الاتفاق الأول، وكانت عارفة إن نور ليها حق في الأرض.
حسيت إن قلبي اتقبض.
يعني هي كانت عارفة إن نور ليها نصيب، وبرضه كانت بتحاول تخلينا نمشي؟
جدي هز رأسه.
أيوه. وده مش كل شيء.
فتح الخطاب اللي كان في الظرف، وبدأ يقرأ
إلى ابنتي نور، التي لم أتمكن من رؤيتها كما تمنيت…
لو وصلتك الرسالة دي، يبقى عبد القادر نجح في الحفاظ على الأمانة، ونجح في إنه يخليكي تعيشي وسط عيلة بتحبك.
أنا مش بطلب منك فلوس، ولا أرض، ولا ممتلكات.
أنا بطلب منك تعرفي إن ليكي أب كان بيتمنى يشوفك، وإن فيه ناس كتير ضحت عشان مستقبلك.
أما بالنسبة للأرض، فحقك فيها مش عشان تكوني أغنى من غيرك، لكن عشان تكملي المشروع اللي بدأناه.
خلي بالك من جميلة، لأنها كانت أمك حتى قبل ما تعرف الحقيقة.
وما تسمحيش لأي حد يخليكي تختاري بين حقك وبينها.
نور كانت بټعيط وهي بتسمع.
مديت إيدي ومسحت دموعها.
قلت أبوكي كان بيحبك يا نور.
قالت وأنا كان عندي أب تاني رباني وحبني. بابا عبد القادر.
جدي ابتسم.
وده اللي لازم تفضلي فاكره.
بعد يومين، رجعنا البيت القديم.
لكن المرة دي ماكنتش داخلة البيت وأنا مکسورة، ولا خاېفة من كلام سعاد.
كنت داخلة وأنا عارفة إن المكان ده شايل حكاية أربع عائلات، وإن فيه أمانة لازم أحافظ عليها.
المحامي فؤاد بدأ يراجع كل المستندات، وطلب استخراج صور رسمية من العقود القديمة، وبدأ إجراءات إثبات الملكية وحماية الأرض من أي بيع.
أما حسن، فاختفى يومين، وبعدها اتصل بيا وطلب يقابلني.
وافقت أقابله في مكتب المحامي.
دخل وهو شكله مرهق، وقعد قدامي من غير ما يتكلم.
قلت له
اتفضل، عايز تقول إيه؟
قال أنا عارف إنك مش هتسامحيني بسهولة.
قلت أنا مش عارفة أسامحك أصلاً ولا لأ. بس عايزة أسمع الحقيقة.
قال سعاد هي اللي بدأت الموضوع. هي اللي عرفتني إن فيه مشتري مستعد يدفع مبلغ كبير، وقالتلي إن الأرض ممكن تتباع من غير مشاكل لو إنتِ مضيتي على التنازل.
قلت وإنت صدقتها؟
كنت محتاج فلوس، وعندي مشاكل كتير، وافتكرت إن الموضوع بسيط.
قلت يعني عشان محتاج فلوس، قررت تاخد حق أختك وبناتها؟
حسن نزل عينه.
أنا غلطان.
قلت إنت عارف إيه أكتر حاجة وجعتني؟ مش الفلوس. أنا كنت فاكرة إنك أخويا، وإن بعد مۏت أبويا مفيش حد من عيلتي هيفكر يظلمني.
حسن دموعه نزلت.
سامحيني يا جميلة.
قلت أنا مش هقولك إني سامحتك دلوقتي. لكن لو عايز تصلح اللي عملته، قول كل حاجة للمحامي، وساعدنا نوصل لأي ورق ناقص.
هز رأسه بالموافقة.
لكن لما خرج، المحامي فؤاد بصلي وقال فيه حاجة مش مطمناني يا جميلة.
سألته إيه؟
قال حسن مش بيقول الحقيقة كاملة. فيه طرف تالت هو اللي كان بيحركه، ولسه ماعرفناش هويته.
مرت أيام، وبدأنا نصلح البيت القديم.
البنات كانوا بيشتغلوا معايا في تنظيف الغرف، ونقل الحجارة، وترتيب الحاجات اللي ممكن نستخدمها.
نور كانت مختلفة عن الأول.
بقت مهتمة جداً بالدفتر الأزرق، وبتقرأ رسائل ياسين كل يوم.
وفي يوم، دخلت عليا الأوضة وهي ماسكة ورقة.
قالت ماما، أنا لقيت حاجة غريبة.
قلت إيه يا حبيبتي؟
مدت الورقة ليا.
كانت صفحة من الدفتر الأزرق، لكن أنا متأكدة إني ما شفتهاش قبل كده.
كان مكتوب فيها
هناك وصية ثانية لم تُنفذ، محفوظة في مكان لا يعرفه سوى الشخص الذي عاش في البيت القديم قبل انتقاله إلى عائلته الجديدة.
قريت الجملة أكتر من مرة.
قلت الشخص اللي عاش في البيت القديم قبل انتقاله لعيلته الجديدة… تقصدي مين؟
نور قالت يمكن بابا عبد القادر؟
افتكرت كلامه عن البيت، وافتكرت إنه كان بيقولي إنه قضى طفولته فيه مع أبوه.
لكن المفاجأة إننا اكتشفنا إن البيت كان له صاحب قديم قبل عيلة عبد القادر.
قلت لازم نراجع باقي الأوراق.
قعدنا على الأرض وبدأنا نقلب الملفات.
بعد فترة، لقينا صورة قديمة للبيت، وكان ظاهر فيها طفل صغير واقف جنب شجرة كبيرة.
على ظهر الصورة مكتوب
إلى عبد القادر، في يوم انتقالك إلى بيتنا الجديد.
بصيت للصورة.
الطفل كان عبد القادر.
لكن جنب الصورة كان فيه ظرف صغير، مكتوب عليه
لا تفتح إلا بعد العثور على الغرفة المغلقة.
سألت نور
