لى برفان غالي..
حسيت إني تايهة وإني مش هفهم أي حاجة بالمنظر ده.. وقفت مترددة وكنت هقول لها خلاص معلش تصبحي على خير وأمشي، وفجأة.. وأنا بلف عشان أخرج، وقعت عيني على حاجة صدمتني صدمة عمري.. حاجة ميصدقهاش عقل إنسان أبدا خلت قلبي هيقف حرفيا !!!!!
وقفت مكاني وأنا مش مصدقة عيني!
كان فيه عروسة صغيرة معمولة من القماش، مغروزة بدبابيس كتير في جسمها، وجنبها كذا كيس صغير فيهم حاجات غريبة، وورق متني عليه كلام مش مفهوم، وخيوط ملونة وحاجات شكلها مريب.
بصيت لكريمة وبعدين بصيت للحاجات دي، وحسيت إن قلبي اتقبض.
قولتلها بصوت مهزوز إيه ده يا كريمة؟ وإيه الحاجات دي؟!
أول ما
سمعتني، وشها اتخطف لونه، وجريت بسرعة تحاول تلم الحاجات وتحطها في درج المكتب، بس أنا كنت شفت كل حاجة.
قولتلها استني يا بنتي، أنا مش جاية أضايقك، بس عايزة أفهم إيه اللي بيحصل؟ وإيه علاقة الحاجات دي بالعباية اللي رجعتيهالي؟
وفجأة لقيتها اڼفجرت في العياط، وقعدت على طرف السرير وهي حاطة إيديها على وشها.
قالتلي وسط شهقاتها والنبي يا خديجة متقوليش لماما… أوعي تقولي لها، دي ھټموټني لو عرفت!
قربت منها وقعدت جنبها وقلت اهدي يا حبيبتي، محدش هيعملك حاجة، بس فهميني إيه الموضوع.
فضلت ټعيط شوية، وبعدها بدأت تحكي وهي مكسوفة من نفسها.
قالتلي أنا عارفة إني غلطانة، بس والله
ما كنتش متخيلة إن الموضوع يوصل لكده… أنا فيه شاب بحبه من الكلية، اسمه يوسف، وبحبه من زمان، وكنا بنتكلم كتير، بس اكتشفت إنه معجب ببنت تانية معانا، والبنت دي صاحبتي واسمها منة.
سكتت لحظة ومسحت دموعها وكملت
أنا اټجننت لما عرفت إنه بيحبها، وفضلت أعيط وأقول لنفسي ليه هي وأنا لأ؟ مع إني كنت شايفة إني أحسن منها في كل حاجة. وفي يوم حكيت لواحدة صاحبتي عن اللي حصل، فقالتلي إنها تعرف واحدة بتعمل الحاجات دي، وإنها تقدر تعمل سحر يخلي يوسف يكره منة ويبعد عنها، وبعدها يتعلق بيا.
بصتلها بذهول وقلت يعني إنتِ عملتي سحر عشان تفرقي بين اتنين؟!
هزت راسها وهي بټعيط وقالت أيوه.
.. وأنا عارفة إنه
حرام، بس الشيطان ضحك عليا، وقالتلي صاحبتي إن الموضوع مضمون وإن مفيش حد هيعرف. وطلبت مني أجيب حاجة من هدوم البنت، وأنا مقدرتش أوصل لها، فعملت الحاجات دي بالطريقة اللي قالتلي عليها.
ساعتها بدأت أفهم حكاية الدود اللي ظهر على العباية، بس برضه مقدرتش أجزم إن فيه علاقة بينه وبين الحاجات دي. كل اللي كنت متأكدة منه إن كريمة دخلت نفسها في طريق غلط وخطېر.
سألتها طب والعباية بتاعتي دخلت في الموضوع إزاي؟
قالتلي وهي منزلة عينيها في الأرض أنا خبيت الحاجات دي جواها قبل ما أرجعهالك، عشان كنت خاېفة ماما تفتش أوضتي، وكنت فاكرة إن العباية هتفضل عندك ومحدش هيلمسها.
بس لما رجعتيهالي، خفت أوي لما عرفت إن الدود ظهر عليها.
حسيت إن قلبي وجعني عليها، مش بس عشان اللي عملته، لكن عشان بنت صغيرة ضيعت نفسها ورا وهم إنها تقدر تتحكم في قلب إنسان بالطريقة دي.
مسكت إيديها وقلت لها يا كريمة، بصيلي كويس. إنتِ بنت متعلمة، وعندك عقل، إزاي تصدقي إن السعادة ممكن تيجي من طريق زي ده؟ الحب مش بالڠصب، واللي مش من نصيبك مش هتاخديه مهما عملتي. ولو يوسف مش بيحبك، يبقى ربنا بيبعد عنك حاجة مش مكتوبة ليكي.
قالتلي بس أنا بحبه يا خديجة، ومش قادرة أتخيل إنه يبقى مع واحدة غيري.
قولتلها وأنا مقدرة وجعك، بس مش معنى إننا بنحب حد نأذيه أو نأذي
غيرنا عشانه. السحر من الكبائر، وده ذنب كبير، وممكن يضيع آخرتك. إنتِ عايزة شاب يحبك، ولا عايزة رضا ربنا؟ فكري لو ربنا كشف أمرك قدام أهلك والناس، هتحسي بإيه؟
فضلت ساكتة، وبعد شوية قالت أنا خاېفة من ربنا يا خديجة… وخاېفة أكون عملت حاجة متتغفرش.
ربت على كتفها وقلت باب التوبة مفتوح يا حبيبتي، وربنا رحيم. المهم توقفي الغلط ده، وټندمي، وتستغفري، ومتكرريهوش تاني. وأي حد يطلب منك فلوس أو يحاول ېخوفك بالحاجات دي، اقطعي علاقتك بيه فورًا.
قامت كريمة من مكانها، وفتحت الدرج وطلعت كل الحاجات اللي كانت مخبياها. كانت إيديها بتترعش وهي بتبص للعروسة المغروزة بالدبابيس.
قالتلي أنا
