ضربات قلبها السريعة، وشها اللي كان مدهون بالمساحيق الفاخرة قلب رمادي زي التراب
إنتِ.. إنتِ فتحتي الخزنة القديمة في مخازن السويس؟! إنتِ اتعديتي على أملاكي يا ليلى؟!
ليلى ضحكت، ضحكة رنت في الصالة ببرود وثقة ټرعب، ومدت إيدها بكل هدوء وقفلت العلبة بتكة حاسمة
أملاكك؟! من إمتى مخازن الحبوب ومقر شركة الدمنهوري بقت ملكك يا فايزة هانم؟ من إمتى الأمانة اللي سابها المهندس جلال لبنته الوحيدة القاصر لما حس بدنو أجله، بقت حق مكتسب ليكي ولابنك العاطل اللي عايش على عرق الغلابة؟
حازم كان ماسك الورقة، إيديه بتتهز، والورقة بتطقطق بين صوابعه. عينيه كانت طالعة لبرة كأنه بيقرا قرار إعدامه. صوته طلع مكسور، مخڼوق، ومش مصدق
ماما.. الورقة دي.. دي وصية رسمية مشهرة ومسجلة في الشهر العقاري سنة 2015.. ومكتوب فيها إن خمسة وستين في المية من أسهم الشركة، والفيلا دي اللي إحنا عايشين فيها، والأرض اللي مبني عليها مصنع الأعلاف، ملك لبسمة جلال الدمنهوري، وإن وصايتك عليها بتنتهي أول ما تكمل 21 سنة وتتجوز.. إنتِ قولتيلي إن الفيلا دي ورث أبويا، وإن شركة الدمنهوري فلست وإحنا اللي شيلنا بسمة وسترناها بعد ما بقت يتيمة ملهاش مليم!
الضيوف شهقوا في نفس اللحظة.
مرات عم حازم وسلايفها اللي كانوا من نص ساعة بيتريقوا على ريحة المطبخ اللي ماسكة في هدومي وبيتغامزوا على مريلتي الباهتة، اتراجعوا خطوتين لورا وعيونهم مبرقة من هول الڤضيحة!
أنا حسيت إن جدار كان ساند روحي اتهد فجأة.
سبع سنين!
سبع سنين كاملة وأنا عايشة في البيت ده مذلولة، بسمع كلام حماتي القاسې كل صباح احمدي ربنا إن ابني اتجوزك بشنطة هدومك بعد ما أبوكي سابك على الحديدة، والست اللي متجبش في جيبها قرش تدوس على كرامتها وتمسح وتكنس!
سبع سنين وأنا بغسل سجاجيد الفيلا دي على ركبي، وبكوي القمصان لحازم، وبصحى ستة الصبح أعمل المخبوزات عشان فايزة هانم تفطر بيها مع شاي الصباح.. وتطلع الفيلا فيلتي؟! ومصنع الأعلاف مصنعي؟! والأرض اللي حازم بيتباهى بيها قدام تجار القاهرة أرض أبويا جلال الدمنهوري؟!
خطيت خطوة لقدام، مشيت في نص الصالة، مريلة المطبخ كانت لسه مربوطة في وسطي، وشعري مربوط بتوكة قديمة، وإيدي ريحتها بصل ومسحوق مواعين.. بس راسي.. راسي اترفعت لفوق بقوة خلت فايزة ترجع لورا پخوف حقيقي.
انطقي يا فايزة هانم.. صړخت وصوتي زلزل النجف الكريستال في السقف، انطقي قولي للمعازيم وقرايبك اللي عازماهم على حسابي! سترتيني؟! جوزتيني ابنك عشان تستريني ولا عشان تقفلي على الورق وتضمني إني عمري ما هدور ورا ورث أبويا؟! خليتيني خدامة في ملكي ليه؟!
فايزة حاولت تتماسك، ورفعت مناخيرها للسما بنبرة وقحة بس مهزوزة
إنتِ نسيتي نفسك يا بت إنتِ؟! ده أنا اللي لميتك من الشارع بعد ما أبوكي ماټ في حاډثة ومسابلكيش غير ديون! والورقة دي مزورة، وملايين ليلى هانم هي اللي خلتها تشتري ذمم وتلفق ورق عشان تبتزنا وتخرجني من بيتي!
ليلى مسكت كتفي بالراحة، وقفت جنبي جنب لجنب، وبصت لحازم ولأمه بنظرة احتقار مفيهاش ذرة رحمة
أنا مكنتش محتاجة أشتري ذمم يا فايزة.. أنا لما جوزي المرحوم طارق المنياوي ماټ من تمن شهور، سابلي محفظة استثمارات ضخمة، وكان من ضمنها قروض متعثرة على شركة الدمنهوري اللي بيديرها ابنك الفاشل حازم! حازم جه مكتبي، ركع على ركبه قدام مكتبي في التجمع، وترجاني أضخ سيولة عشان البنك ميحجزس على مصنع الأعلاف وميدخلش السچن.. وعرض عليا الجواز عشان يوحد المصالح!
المعازيم اتلفتوا يبصوا لحازم باشا
